|| बारा गांवचे जागृत देवस्थान ||

श्री देव अंजनेश्वर कसबा मिठगवाणे

पब्लिक ट्रस्ट नोंदणी क्रमांक: A-67 | पब्लिक ट्रस्ट नोंदणी वर्ष: 1952

टॅक्स नोंदणी क्रमांक: AARTS7339FE20214 | टॅक्स नोंदणी वर्ष: 2022-23

सर्व भाविक भक्तांना नमस्कार!

दिनांक: १६ मार्च २०२५

श्रीदेवाच्या सेवेसाठी “www.shridevanjaneshwar.com” या नांवाने सुरू केलेली ही वेबसाईट आजरोजी अपडेट करीत आहोत. अंजनेश्वर देवस्थानची माहिती अधिक सहजपणे आणि सुलभतेने आपल्यापर्यंत  पोहोचावी हा माझा हेतू आहे. मला खात्री आहे की या वेबसाईटच्या माध्यमातून श्री देव अंजनेश्वरची प्रसिध्दी, देवस्थानच्या एकूण कारभाराची समग्र माहिती जगभरातील भाविक भक्तांपर्यंत थेटपणे पोहोचेल. या वेबसाईटच्या माध्यमातून भाविक भक्तांना आपली देणगी श्री देवाच्या बॅंकखात्याला जमा करता येईल. देवस्थानचे उत्सव, उत्सव कालावधीतील विविध धार्मिक, सांस्कृतिक, परंपरागत कार्यक्रमांची माहिती,देवस्थान मधील सोयीसुविधा, भक्तनिवासमधील रहिवास व्यवस्था, नवीन भक्तधाम मधील सोयीसुधारणा आदीची माहिती सहजपणे उपलब्ध करून देण्यासाठी ही वेबसाईट आपणा सर्वांना उपयुक्त ठरणार आहे. देवस्थानशी थेटपणे संवाद साधण्यासाठी ही वेबसाईट उपयोगाची होणार आहे. उत्सवातील कार्यक्रमांचे व्हिडिओ चित्रीकरण, फोटो, फेसबुक पेज पाहण्यासाठी सुध्दा ही वेबसाईट अगदी उपयुक्त होणार आहे. तरी सर्वांनी ह्या वेबसाईटला नियमितपणे भेट द्यावी, अशी मी आपल्याला प्रेमाची आणि आग्रहाची विनंती करत आहे…

आपला नम्र,

डॉ. मिलिंद नारायण देसाई
विश्वस्त, श्री देव अंजनेश्वर कसबा मिठगवाणे

मु. पो. मिठगवाणे, ता. राजापूर, जि. रत्नागिरी ४१५८०५
संपर्क क्रमांक: ९८२३२७७३२६